黃文意中學穿冷衫遮胸

童星出身的無綫娛樂新聞主播黃文意,曾與袁詠儀(靚靚)、吳鎮宇及方中信等影帝、影后合作,當中對靚靚又愛又怕,因對方要求嚴謹!擁36D驕人身材的她又慨嘆發育後經常被博懵,上下同告失守,不甘受辱的她即時高聲呼叫,可惜仍被色狼走甩!

中學遮遮掩掩
Mandy的36D上圍令不少女生羨慕,但亦為她帶來煩惱,中學時即使大熱天時,她也會穿冷衫遮掩,奈何仍被人以「橙」形容其胸形,更不時被性騷擾:「我成日喺地鐵畀人非禮,有伯伯行過專登用手(手爭)撞我個胸,初頭唔敢出聲,但遇多幾次之後,我就敢大聲嗌『邊個揩油!』,當然冇人理。又試過行花市畀人彈Pat,又係大嗌都捉唔到人,啲男人只係好驚咁四散!(唔想大胸?)我不嬲圓潤,都羨慕圈中好多女仔有馬甲線,但我減肥就連個胸都縮水。」

體育堂 同學捉手仔教射籃
體藝中學畢業的Mandy,本以為她運動好勁,怎料接受本報突擊測試花式跳繩時竟一仆一碌,明顯手腳唔協調,更因Kick親而幾乎仆低!她尷尬地說:「其實我喺體藝讀藝術嘅,因為我嘅運動細胞係零。上體育堂時,老師唔會訓練我哋,但同學之間會互相學習,我哋教體育勁嘅畫吓蘋果,佢哋就捉住我隻手射籃。(用呢招識男仔?)足球隊有一、兩個係風頭躉,大家都有少少Feel,但對方追追吓又冇追。唔知點解我間中都會有呢個情況,試過有男仔作歌畀我,我好大膽問佢係咪鍾意我,佢竟然答『唔知』,真係激死我!」

未經允許不得轉載:香港丁圖媒體 » 黃文意中學穿冷衫遮胸
Like(0)