低胸背心女友Yumi 入得廚房出得廳堂

藝人尹蓁晞(Yumi)與比她年幼的化妝師男友相處融洽,她指偶有爭執,但會做主動氹回男友,加上她喜歡打理家頭細務,連換燈膽也不假手於男友,堪稱絕世好女友!

Yumi跟年輕9歲的化妝師男友發展姊弟戀逾一年,依舊愛得如膠似漆,秘訣就是她入得廚房出得廳堂。她甜絲絲說:「我係比較體貼嘅女朋友,都幾鍾意煮嘢食嘅,屋企家務又自己搞掂,有時佢覺得我似佢媽咪多過女朋友。」雖然年齡上有差距,但Yumi指相處沒有問題:「好多嘢我反而問番佢,我係路癡,佢似大哥哥話我知,外面嘅世界我唔熟悉,或者懶啦,想去倚賴。屋企嘢我就識,換燈膽都識,自己清潔屋企,唔使工人。」

努力減肥
提到拍拖後心廣體胖,Yumi尷尬稱:「拍拖同肥咗係有關係,不過我有一星期做一次運動,之前皮膚敏感,半邊面生晒粒粒個半月,食咗西藥,所以個人好水腫。」她承諾會努力減肥,回復最佳狀態。

未經允許不得轉載:香港丁圖媒體 » 低胸背心女友Yumi 入得廚房出得廳堂
Like(1)